1,131 Бардыгы /

ОШ. Ош облусунун Кара-Суу районунун аймагында 2 кг баңги зат менен жаран кармалды.
Ош ОИИБдин басма сөз кызматы билдиргендей, 2023-жылдын 15-август күнү Ош облустук ички иштер башкармалыгынын кызматкерлери тарабынан Кара-Суу районунун аймагында Ош шаарынын тургуну 44 жаштагы “К.И.” аттуу жарандын башкаруусундагы “Mersedes-Benz” үлгүсүндөгү автоунаага карата кечиктирилгис тинтүү жүргүзүлүп, алдыңкы жүргүнчү отурган орундун алдынан баштыкка оролгон 2 даана зат алынган.
Соттук-химиялык экспертизанын корутундусуна ылайык, табылып алынган наркотикалык зат “Гашиш” болуп чыккан. Анын салмагы 1 кг 936,7 граммды түзгөн.
Кылмышка шектүүгө карата Кыргыз республикасынын Кылмыш-жаза Кодексинин 282-берененин 1-бөлүгү менен (баңгизат каражаттарынын, психотроптук заттарды жана алардын аналогдорун сатып өткөрүү максатында мыйзамсыз даярдоо) боюнча кылмыш иши козголгон. 2023-жылдын 18-август күнү баш коргоо чарасы каралып, 2 айга камакка калтырылган.
Учурда тергөө-оперативдик иш-чаралар улантылууда.