780 Бардыгы /

          ОШ. Ош облусунун Кара-Суу районунда каракчылыкка шектелип, эки адам кармалды. Бул туурасында Ош облустук ички иштер башкармалыгынын басма сөз кызматынан кабарлашты. Маалыматка караганда, кармалгандардын бирөөсү – аял.

         Ушул жылдын 31-август күнү Кара-Суу РИИБсине арыз менен Жийделик айылынын тургуну 1971-жылы туулган М.Ш. аттуу жаран арыз менен кайрылган. Анда 30-августан 31-августка караган түнү саат 00:10 чамасында ага бейтааныш болгон Рахатай аттуу аял киши жана бир белгисиз азият түспөлүндөгү эркек киши болуп жабырлануучуну ур-токмокко алышып үйүнөн 19 000 (он тогуз миң) сом акчасын жана үй тиричилгине керектелүүчү буюдарын бүт тартып алып кетишкен.

         Ошентип, аталган факт Кара-Суу РИИБсинде катталып, Кыргыз Республикасынын Кылмыш-Жаза Кодексинин 207-беренесинин («Каракчылык») негизинде кылмыш иши козголуп, тиешелүү ыкчам-тергөө иш-чаралардын негизинде 2-сентябрь күнү Кара-Суу РИИБсынын кылмыш иликтөө бөлүмүнүн кызматкерлери тарабынан бул кылмышка шектүү катары 1990-жылы туулган Р.Д. жана 1994-жылы туулган С.Д. аттуу жарандар кармалып, камакка алынды. Ушул тапта тергөө жараяны кызыды.

           Алишер ТОКСОНБАЕВ, өз кабарчы