645 Бардыгы /

          ОШ. Кыргызстандын Түштүк башкаласынын мэри Бакытбек Жетигенов жылуулук мезгилине карата жүргүзүлүп жаткан даярдыктарды абдан дыкаат текшерип, эё чоё Курманжан Датка менен Ленин көчөлөрүн катарынан кыдырып, коммуналдык кызматтар тарабынан жер астындагы түтүктөрдү алмаштыруу иштеринин жүрүшү менен жеринде таанышты.

          Мэр Бакытбек Жетигеновадегенде эё узун Курманжан датка менен Кыргыз көчөлөрүнүн кесилишиндеги тилкеде, “Газпром Кыргызстан” жоопкерчилиги чектелген коомунун “Ошгаз” көмөк чордону тарабынан узундугу 550 метр газ түтүгүн алмаштыруу иштердин жүрүшүн дагы көрүп чыкты. Буга улай узундугу 330 метрди чапчыган магистралдык жылуулук тармактарын алмаштыруу боюнча жүргүзүлүп жаткан жумуштардын биринчи этабынын жүрүшүн жеринде көрүп, оңдоо-калыбына келтирүү жумуштарын тездетүү талабын катуу койду.

• Түтүктөрдү алмаштыруу иштери өтө жай жүрүп жатат. Иш жараянын  

тездетүү максатында керектүү чукул чараларды көрүү кажет! Зарылчылыгына жараша эки же үч нөөмөттө иштегей турган кошумча жумушчулардын тобу дагы тартылсын! Жарандар жаралган жагдайдан улам ыңгайсыздыкка кабылбашы керек. 5-октябрь – Ош шаарынын күнүнө карата бардык иштерди толук бойдон бүткөрүү зарыл! – деп буюрду Ош шаарынын мэри  Бакытбек Жетигенов.

          Калаа башчысы Бакытбек Жетигенов “Ош шаардык жолдору» муниципалдык ишканасынын адистерине жол иштерине тиешелүү уруксат кагаздарын берүүдө жумуш жараянын үч нөөмөттө туруктуу жүргүзүүнү милдеттендирди. Ош шаарынын жетекчиси андан ары Ленин көчөсүндөгү мамлекеттик-жеке өнөктөштүк долбоорунун алкагында, курулуш компаниялардын бири тарабынан СХТ-1 откананын кубаттуулугун жогорулатуу боюнча жүргүзүлүп жаткан жумуштардын ал-акыбалы менен дагы таанышып чыгып, бул жерде да иш жараянын ого бетер күчөтүү жана оңдоо иштерин шаар күнүнө карата сөзсүз бүткөрүүнү тапшырды.

Алишер ТОКСОНБАЕВ, өз кабарчы