1,239 Бардыгы /

ОШ. Кыргыз Республикасынын ИИМдин КИББдин 3-башкармалыгынын Ош, Джалал-Абад, Баткен боюнча уюшкан кылмыштуулука каршы күрөшүү бөлүмүнүн кызматкерлери тарабынан документтерди жасалмалоо фактысы аныкталды.
ИИМдин басма сөз кызматы билдиргендей, белгиленген маалыматтарга караганда, айыл өкмөт башчысы ишке орношуу үчүн жасалма документтерди колдонгон. 2023-жылдын ноябрь айынын аягында Кара-Суу райондук мамлекеттик администрациясынын буйругу менен М.А. аттуу жаран ошол эле райондун айыл
өкмөттөрүнүн биринин башчысы кызматына дайындалган.
Көрсөтүлгөн жаран мамлекеттик органдарга жасалма документтерди
тапшырганы белгилүү болгон. Ал мамлекеттик органдардан алынган
документке өзгөртүү киргизип, ошону менен маалымат бурмаланып, кийин аны айыл өкмөт башчылыгына дайындоодо бул документ пайдаланылган.
Ош облусунун ички иштер башкармалыгынын маалыматтык технологиялар бөлүмүнөн алынган маалыматка караганда, маалымат базасында соттуулугу бар деп чыккан – Ош облусунун Кара-Суу райондук сотунун 2023-жылдын 1-июлундагы токтому болгон.
Белгилей кетсек, Кыргыз Республикасынын 2021-жылдын 20-октябрындагы “Жергиликтүү мамлекеттик администрация жана жергиликтүү өз алдынча башкаруу органдары жөнүндө” мыйзамынын 52-бер. 3-бөл. 6-пунктунун талаптарына ылайык, мыйзамда белгиленген тартипте соттуулугу бар жарандар айыл өкмөтүнүн башчысы кызматына дайындала албайт деп,
көрсөтүлгөн. 2023-жылдын 8-декабрь күнү аталган факты боюнча, Кара-Суу райондук ИИБмү тарабынан Кыргыз Республикасынын КЖКнин 379-беренесинин 2-бөлүгү (Документтердин жасалмасын жасоо) менен кылмыш иши козголуп, тергөө аракеттери башталган. 1981-жылы туулган кылмышка шектүү М.А. Кыргыз Республикасынын КЖПКнин 96-беренесинин негизинде Кара-Суу РИИБдин УКЖна киргизилген.
Кыргыз Республикасынын Ички иштер министрлиги жарандарды Кыргыз Республикасынын мыйзамдарын так сактоого, кыраакы, жоопкерчиликтүү жана юридикалык жактан сабаттуу болууга чакырат.