642 Бардыгы /

          Үстүбүздөгү жылдын соңку күндөрүндө Кыргыз жана Түрк эки тараптуу аскердик кызматташуунун алкагында Кыргыз Республикасынын Куралдуу Күчтөрүнүн Улуттук гвардиясынын колбашчысы, гвардиянын полковниги Талантбек Эргешов Түркия Республикасына сапарлады.

          Кыргыз Республикасынын коргоо министрлигинен маалымдашкандай, кызматтык иш-сапарынын алкагында Кыргыз Улуттук гвардиясынын колбашчысы, гвардиянын полковниги Талантбек Эргешов Түркиянын Президенттик гвардиясынын күзөт полку, атайын операциялар күчтөрү, музыкалык оркестри, гуманитардык жардам берүү боюнча бригадасы жана Улуттук коргоо университетинин кургактагы аскерлеринин окуу жайы менен дагы кенен-чонон таанышты.

          Ошентип, аталган расмий жолугушуунун соңунда тараптардын болочоктуу өз ара кызматташтыгын мындан ары дагы кеңейтүү боюнча эки тараптуу сүйлөшүүлөр жүрдү.

Алишер ТОКСОНБАЕВ, өз кабарчы