1,104 Бардыгы /

          Кыргызстандын Түштүк башкалаасынын мэри Бакытбек Жетигенов Ош шаарына караштуу Жапалак Айыл Өкмөтүндөгү Орке айылында курулуп жаткан футбол аянтчасынын курулушун жеринде кыдырды.

          Айтмакчы, узундугу 40, туурасы 20 метрди түзгөн футбол аянтчасынын курулушу үстүбүздөгү жылдын октябрь айында эле башталган. Мындан тышкары Орке айылындагы Курманжан Датка көчөсүндөгү узундугу 800 метрди түзгөн жолго асфальт төшөө иштери менен дагы кеңири таанышты. Ал эми Ош шаарынын мэри аталган кыштактагы №60-«Арча Бешик» бала бакчасы оңдоп-түзөөгө муктаждыгын дагы байкаштырды. Ошондуктан. бакчаны көрүп чыкан соң тиешелүү кызматтарга жакынкы аралыкта бул жайдын шартын заманбап жакшыртуу боюнча жумуштарды алып барууну, кийинки жылга толук оңдоп-түзөө боюнча иш планга киргизүүнү кошо тапшырды.

          Ош шаарынын жетекчиси Бакытбек Жетигенов андан ары Пятилетка айылындагы М. Абжалова көчөсүн асфальттоо иштеринин жүрүшүн зерикпестен көрүп чыкты. Жергиликтүү тургундар кайрылуусун четке какпай элдин өтүнүчүн орундатып жаткандыгы үчүн калаа башчысына терең ыраазычылыгын гана  билдиришти.

Алишер ТОКСОНБАЕВ, өз кабарчы