759 Бардыгы /

ЫСЫК-КӨЛ. ЖКККББнын кызматкерлери  жөө жүргүнчүнү сүзүп, качып кеткен айдоочу кармашты.
ЖКККББнын басма сөз кызматы билдиргендей, 3-март күнү саат 20:00 чамаларында Каракол шаарынын Карасаев жана Шапак Баатыр көчөлөрүнүн кесилишинен белгисиз айдоочу, белгисиз авто унаасы менен жолдон өтүп бара жаткан Каракол шаарынын тургуну 2008-ж.т. Э.К. аттуу жаранды сүзүп, окуя болгон жерден изин жашырып качып кеткен.
Жөө жүргүнчүнү сүзүп качып кеткен белгисиз айдоочуну табуу максатында облус боюнча атайын “Колго түшүрүү” иш-мерчеми жарыяланып, ар бир шаар райондорго күзөттөр коюлуп, ыкчам издөө иш-чаралары жүргүзүлүп, көрүлгөн иш чаралардын негизинде, Каракол шаардык ЖКК бөлүмчөсүнүн кызматкерлери тарабынан кылмыш иши изи суй электе, кылмышка шектүү катары  “ВАЗ 231099” үлгүсүндөгү авто унаанын айдоочусу 2004-жылы туулган  Г.И.Н. аттуу жаран кармалып, тергөө амалдарын жүргүзүү үчүн, Тергөө кызматына өткөрүлүп берилди. Ал эми авто унаа айып короо жайына токтотулду.