849 Бардыгы /

Жалал-Абад облустук милициясы мыйзамсыз сакталган ок атуучу курал жана окторун аныктады. Бул тууралуу Жалал-Абад ОИИБдин басма сөз кызматы билдирди.

Жалал-Абад ОИИБдин жана Базар-Коргон РИИБдин экстремизмге жана мыйзамсыз миграцияга каршы аракеттенүү кызматынын (ЭММКАК) кызматкерлери тарабынан Базар-Коргон районунда экстремисттик материалдар боюнча ыкчам маалыматтар алынган. Бул факты Базар-Коргон РИИБдин тергөө кызматы тарабынан кылмыштардын бирдиктүү реестрине Кыргыз Республикасынын Кылмыш-жаза кодексинин 332-беренеси (Экстремистик материалдарды даярдоо, таратуу) менен катталып, кылмыш иши козголгон.

Козголгон кылмыш ишинин алкагында Жалал-Абад ОИИБдин жана Базар-Коргон РИИБдин ЭММКАКнын кызматкерлери тарабынан 2024-жылдын 20-март күнү Базар-Коргон районунун 1992-ж.т. Т.О. аттуу тургунунун үйүнө тинтүү жүргүзүлгөн. Тинтүү учурунда анын үйүнөн 3 даана флешка, 8 даана диск, 1 кол телефон жана сайлуу “ТОЗ-8” үлгүсүндөгү ок атуучу куралдын 4 даана огу табылып алынган.

“ТОЗ-8” үлгүсүндөгү ок атуучу куралды Т.О. аттуу жарандын 1963-ж.т. А.Т. аттуу атасы жайлоодо кой багып жүргөн учурда колдонгон. Ок атуучу куралды ага кой бактырган Ч.К. аттуу жаран берип турган. Жайлоодо колдонулбай калган 4 даана окту А.Т. сактап койгон.

Көрсөтмөсүнүн негизинде Ч.К. аттуу жарандан эч кандай уруксат документи жок, номерлери өчүрүлгөн 1 даана сайлуу “ТОЗ-8” үлгүсүндөгү ок атуучу куралы алынып, тиешелүү экспертизалар дайындалган.

Учурда тергөө амалдары жүрүүдө.