618 Бардыгы /

Бул туурасында Кыргыз Республикасынын УКМКсына караштуу мамлекеттик Чек ара кызматынын маалымат жана коммуникация башкармалыгынан маалымдашты.

Маалыматта айтылгандай, УКМК тарабынан “Манас” бажысы менен биргеликте жүргүзүлгөн тиешелүү иш-чаралардын жүрүшүндө алыскы жана жакынкы аймактарга, чет өлкөлөргө, Кыргыз Республикасына, андан соң коңушулаш Казакстан Республикасына, Өзбекстан Республикасына жана Кытай Эл Республикасына маңзаттарды мыйзамсыз алып өтүүнүн туруктуу каналын уюштуруу аркылуу, көмүскө кирешелерди адалдоо менен алектенген трансулуттук кылмыштуу топтун ишмердүүлүгүнө акыры бөгөт коюлду.Тактап айтканда, масштабдуу оперативдүү иштердин натыйжасында Бишкек шаарындагы кампалардын биринен жалпы салмагы 4 тоннадан ашкан ири көлөмдөгү апийим куурайы аныкталган. «Кодеин» жана «Морфин» маңги жана психотроптук заттарын камтыган апийим куурайынын лабораториялык изилдөөлөрүнүн жыйынтыгы 350 килограммга жакынды чапчыды.

Ошентип, козголгон кылмыш ишинин алкагында 285-берененин 2-бөлүгүнүн 4-пункту (КР бажы чек арасы аркылуу өтүүнүн атайын эрежелери белгиленген буюмдарды аткезчилик жол менен алып өтүү) жана 282-берененин 2-бөлүгүнүн 2-пунктунда (соодалоо максатында маңзат каражаттарын, психотроптук заттарды жана алардын аналогдорун мыйзамсыз даярдоо) каралган кылмыш белгилери боюнча Кыргыз Респрубликасынын жарандары А.Ф.К. жана А.А.К. кармалышты. Булар дароо Кыргыз Респрубликасынын УКМКнын тергөө абагына киргизилди. Ушул тапта тергөө жараяны кызуу жүрүп жатат. Баса, аталган трансулуттук кылмыштуу топтун ишмердүүлүгүнө мындан ары укуктуу баа берилип, андан соң алар аракетине жараша жазаланмакчы.

Алишер  ТОКСОНБАЕВ, өз кабарчы