879 Бардыгы /

АКШ тарабынан каржыланган аймактык C5 + Opening Networks through English (C5 + O.N.E.) долбоорунун студенттеринин биринчи тобу бүтүндөй Борбор Азия боюнча окуусун дээрлик аякташты. Энергетика жана айлана-чөйрө тармагындагы жаш жана орто карьерадагы адистер АКШ Өкмөтү тарабынан каржыланган тогуз айлык интенсивдүү англис тили жана кесиптик өнүгүүнү аяктагандыгын белгилешти. C5 + O.N.E. катышуучулардын кесипкөй англис тилинин деңгээлин жогорулатуу жана Борбор Азия боюнча кесиптештердин аймактык интеграциясын өнүктүрүү үчүн уникалдуу окуу программасын колдонушат.

Эл аралык билим берүү боюнча Америка кеңештери бул Программаны АКШ элчиликтеринин каржылоосу жана колдоосу аркасында Казакстан, Кыргызстан, Тажикстан, Түркмөнстан жана Өзбекстанда жүзөгө ашырат. Болжол менен үч топко кирген Борбор Азия боюнча 1100 катышуучу программанын берген мүмкүнчүлүгүн пайдаланышты. Кыргызстанда өлкөнүн бардык аймактарынан келишкен 189 адис жумасына үч жолу сабак жана кошумча экскурсиялар жана онлайн семинарлар менен англис тилин жана кесиптик чеберчилигин жогорулатышты. Бишкек шаарында акыркы саатарда бул Биринчи агымдын бүтүрүүчүлөрү Дамас мейманканасында Улуттук семинарга катышкан экинчи агымдагы курбуларына кошулушту.

Аталган иш-чарада АКШнын Кыргыз Республикасындагы Элчиси Лессли Вигери бүтүрүүчүлөрдү чын ыкластан куттуктап, АКШ Өкмөтү бул уникалдуу Аймактык Программаны эмне үчүн баштагандыгын түшүндүрүп берди: – C5 + O.N.E. Борбор Азия мамлекеттеринин орток максаттарын алдыга жылдыруу боюнча АКШнын C5+1 дипломатиялык платформасынын алкагындагы милдеттенмесинин далили. Бул программа азыркы глобалдашкан дүйнөдө маанилүү байланыштарды курат.

АКШнын Кыргызстандагы Элчиси Вигери ошондой эле өз кызматкерлеринин дагы бул Программага катышуусун ачык колдоп, заманбап сабактарды өткөрүүгө орун берген Кыргызстандын мамлекеттик уюмдарына жана бейөкмөт уюмдарына терең ыраазычылыгын билдирди. Аталган маанилүү иш-чарага катышуу үчүн Вашингтондон Бишкекке Эл аралык билим берүү боюнча Америка Кеңештеринин стратегиялык өнүктүрүү боюнча аткаруучу вице-президенти Майкл Кертис келди. Ал катышуучулар C5 + O.N.E. катышкандыктан буга чейин жетишкен ийгиликтерин баса белгиледи. Ошондой эле айрым студенттер Германияда, Италияда, Бириккен Араб Эмираттарында жана Өзбекстанда өткөн Эл аралык конференцияларга ишенимдүү катышыпжатышкандыгын жашырган жок.

Баса, АКШ тарабынан каржыланган аймактык C5 + Opening Networks through English (C5 + O.N.E.) долбоорунун Кыргызстандагы Биринчи агымынын айрым катышуучулары 2024-жылы сентябрь айында Ташкент шаарында өтө турган аймактык C5 + O.N.E. Конференциясына дагы катышышмакчы. Ал эми эки топтун студенттери 2024-жылдын августунда, ал эми үчүнчү Агым 2024-жылдын ноябрында окуусун толук аякташат.

Алишер  ТОКСОНБАЕВ, өз кабарчы