9 Бардыгы /

Кыргыз Республикасынын Президенти Садыр Жапаровдун тапшырмасына ылайык, 2026-жылы республикалык бюджеттин эсебинен Бишкек шаарында – 20, Ош шаарында – 10 жана Манас шаарында – 6 жаңы мектептин курулушу пландалган.

Бүгүн, 25-февралда аталган тапшырманын алкагында Кыргыз Республикасынын Курулуш, архитектура жана турак жай-коммуналдык чарба министри Нурдан Орунтаев иш сапары менен Жалал-Абад облусуна келди.

Иш сапардын жүрүшүндө министр Президенттин Жалал-Абад облусундагы ыйгарым укуктуу өкүлү Тилек Текебаев, Манас шаарынын мэри Абдупата Маткаликов, ошондой эле тиешелүү департаменттердин жетекчилери жана подряддык уюмдардын өкүлдөрү менен биргеликте Манас шаарында курула турган социалдык объекттердин долбоорлору менен таанышып, жыйын өткөрдү.

Манас шаарында курулуучу объектилердин тизмеси:

Көк-Арт муниципалдык аймактык башкармалыгына караштуу Ак-Тилек кичи шаарчасындагы Достук кичи көчөсүнүн 25/2 дарегинде 375 орундуу жаңы мектеп;

Курманбек муниципалдык аймактык башкармалыгына караштуу Г. Мамбеталиев көчөсүндө 650 орундуу жаңы мектеп;

Т. Тайгараев атындагы муниципалдык аймактык башкармалыгына караштуу Чолок-Терек айылынын А. Керимбеков көчөсүнүн 167 дарегинде 275 орундуу жаңы мектеп;

Спутник кичи шаарчасынын Р. Азизов көчөсүнүн 13 дарегинде жайгашкан мектепке 650 орундуу кошумча корпус;

Достук муниципалдык аймактык башкармалыгына караштуу №5 Б. Осмонов атындагы орто мектепке (Л. Фурманов көчөсү 5) 275 орундуу кошумча корпус;

Достук кичи шаарчасындагы №21 Ж. Болотов атындагы орто мектепке 275 орундуу кошумча корпус курулат.