504 Бардыгы /

Соңку сааттарда Ош облусуна чукул киргизилген өзгөчө кырдаал режими 29-апрелден тартып алынып ташталды.

Өзгөчө кырдаалдар министрлигинен билдиришкендей, аталган режим бул облус аймагында абал кыйла турукташып, сел каптаган райондордо калыбына келтирүү жана тазалоо жумуштары аяктагандыгына байланыштуу Президенттин Ош облусундагы ыйгарым укуктуу өкүлү Элчибек Жантаевдин атайын буйругунун негизинде жокко чыгарылды.

Белгилей кетчү жагдай: үстүбүздөгү жылдын 20-апрелинен тартып Ош облусунун аймагында катуу сел жүрүп, а түгүл үйлөрдүн короолорун, автоунаа жолдорду суу каптап, бир адам каза тапкан эле. Ушуга байланыштуу облус аймагында өзгөчө кырдаалдар режими киргизилген.

Алишер  ТОКСОНБАЕВ, өз кабарчы