525 Бардыгы /

Ош гарнизонунун чек ара ведомствосунун офицери аскер кызматкерлеринен пара талап кылып жаткан жеринде кармалды. Бул туурасында Улуттук коопсуздук мамлекеттик комитетинен билдиришти.

Ошентип, УКМК тарабынан «Опузалап пара талап кылуу»  боюнча мурда козголгон кылмыш ишинин алкагында күн мурун 1985-жылы туулган Ош гарнизонунун чек ара ведомствосунун офицери З.Т.С. кармалды. Аталган кызматкер материалдык пайда көрүү максатында кызмат абалынан кыянаттык менен гана пайдаланып, ар кандай шылтоолор менен узак убакыт бою чек ара кызматынын аскер кызматкерлеринен системалуу түрдө акча талап кылып турган.

Ушул тапта З.Т.С. аттуу жарандын кылмыш иштерине тиешеси бар болушу мүмкүн болгон башка дагы кызмат адамдарын аныктоо боюнча тергөө иш-чаралары абдан кызуу жүрүп жаткан чагы.

Алишер ТОКСОНБАЕВ, өз кабарчы