228 Бардыгы /

Ош облустук капиталдык курулуш башкармалыгынын башчысы Жылдызбек уулу Шайырбек Өзгөн районунун Жылалды айылы жаңы мектепке муктаж экендигин билдирди. Ошондой эле ал окуучулар 1960-жылдары курулуп,  эскилиги жеткен мектепте дагы деле билим алып жатышкандыгын кошумчалады. 

Ош облустук капиталдык курулуш башкармалыгынын башчысы Жылдызбек уулу Шайырбек аталган кыштактагы жаңы мектептин курулушу эмне себептен бузулгандыгын төмөнкүчө түшүндүрдү: – Кыштарды кынап курууда гидроизоляция болгон эмес! Лабораториянын жыйынтыгын алганда кыштарды кыноо иштери бир аз долбоорго дал келбейт. Андыктан курулуштун бир блогу бузулду. Ал жактагы кулуш дээрлик токтотулган. Подрядчикке эскертүү гана берилди. Ал эми өз эсебинен калыбына келтирип, оңдойт. Калган бөлүктөрүндөгү курулуштар долбоорго ылайыкталып жумуш жүргүзүлгөн.

Баса, аталган мектептин курулушу 2022-жылы башталган. Жаңы билим уясы 275 орунга ылайыкташтырылган. Сметалык баасы 151 миллион 939 миң сомду түзгөн. Тендердик баасы жалпы чыгымдарын кошкондо 117 миллион 554 миң 637 сом. Курулуш республикалык бюддеттен каржыланууда.  Өзгөн районунда  калкынын саны көптүгү боюнча Төрт-Көл айыл өкмөтү  экинчи орунда турат. Тургундардын 27 мин 250 сомду чапчыды. Ал эми 5 миң 500гө жакын кожолук бар.

Алишер ТОКСОНБАЕВ, өз кабарчы