435 Бардыгы /

Президенттин карындашы Лазат Нуркожоеванын жигити Афтандил Сабырбеков 3-августка чейин тергөө абагына камакка алынды. Мындай маалыматты Бишкектин Биринчи май райондук сотунун басма сөз кызматы билдирдиди.Билдирмеге ылайык, мындай чечим 6-июлда канааттандырылып, Афтандил Сабырбековду 3-августка чейин камакка алуу түрүндөгү баш коргоо чарасы тандалды.Сабырбеков Кылмыш-жаза кодексинин “Баңгизат каражаттарын, психотроптук заттарды жана алардын аналогдорун сатып өткөрүү максатында мыйзамсыз даярдоо” беренеси менен айыпталып, кармалганы тууралуу маалыматтар тараган.Көп өтпөй маалыматты президенттин басма сөз катчысы Аскат Алагөзов 10-июлда  тастыктап, комментарий жарыялап, мындай маалымат кыздын колун сураган учурдан кийин белгилүү болгонун билдирди.” Президент Садыр Жапаровдун инисинин кызынын жигити укук коргоо органдары тарабынан кармалганын тастыктайбыз. Эске салсак, Лазат Нуркожоеванын жигити тууралуу маалымат учак менен “кыздын колун суроо” иш чарасынан кийин белгилүү болгон. Бул жигиттин башкы максаты өзүнүн мыйзамсыз иш аракеттерин жашыруу үчүн жогорку  бийликтегилерден калкалоочу адамдарды (“крыша”) табуу болгону ачыкталды деп божомолдоого толук негиз бар. Баса белгилей кетсем, Президент Садыр Жапаров ким болбосун мыйзамсыз иш аракеттерди жаап-жашырып, калкалоого албайт. Эми мурдагы жигиттин жана анын шериктеринин мыйзамсыз иш аракеттеринин чоо-жайы тергөө амалдарынын жүрүшүндө аныкталат”,-деп билдирди ал.Эске салсак, 24-июнда Лазат Нуркожоевага жигити  Өзгөчө кырдаалдар министрлигинин ижарага алынган тик учагы менен келип,  колун сураган видеосу интернет желесине тараган болчу. Анда коомчулук окуяны ысырапкорчулук катары баалаган эле.Мындан улам, президент Садыр Жапаров карындашы Лазат Нуркожоеванын социалдык тармактарда тараган видеосу тууралуу 26-июнда  бул окуяга байланыштуу элден кечирим сураган. Лазат Нуркожоева президент Садыр Жапаровдун инисинин кызы. Ал 2020-жылы Кыргызстанда сулуулар сынагын жеңип алган.