1,020 Бардыгы /

  Өлкөбүздөгү башка жогорку жана атайын орто жайларындагыдай эле Ош шаарындагы Баатырали Сыдыков атындагы Кыргыз-Өзбек Эл аралык университетинде дагы абитуриенттерди кабыл алуу жараяны кызыган чагы. Көпчүлүгү үйүндө эле олтурушуп, онлайн форматта окууга тапшырып жатышат…

• Каржы-экономика, инженердик технология, юридика-бажы, 

тарых-филология, табигый-педегаогиалык жана маалыматтык технологиялар, гуманитардык-педагогикалык факультеттерге, магистратура бөлүмүнө тапшыргандар арбын, – деди Ош шаарындагы Баатырали Сыдыков атындагы Кыргыз-Өзбек Эл аралык университетинин кабыл алуу комиссиясынын жооптуу катчысы, юридика илимдеринин доктору, профессор Алмагүл КӨКӨЕВА. 

– Мындан тышкары медициналык коллежибизде акушерлерди, фармацевттерди, кесиптик коллежибизде контрукторлорду, модельерлерди, котормочуларды, электриктеди, автоунаа оңдогучтарды, программисттерди, укук таануучуларды, кесиптик лицейибизде тигүүчүлөрдү, слесарь-энергетиктерди жана дагы чачтарачтарды белендейбиз. 

Баатырали Сыдыков атындагы Кыргыз-Өзбек Эл аралык университетинин кабыл алуу комиссиясынын жооптуу катчысы, юридика илимлеринин доктору, профессор Алмагүл КӨКӨЕВА сөзүнүн соңунда алардын университетине тапшыруу экземендери онлайн режиминде гана жүргөндүктөн, коррупция жана тааныш-билишчилик балакети дээрлик тыйылгандыгын, анан дагы алардын бүтүрүүчүлөрүнө деле жумуш оңой  табылаарын кошумчалады.

Алишер ТОКСОНБАЕВ өз кабарчы