297 Бардыгы /

Ошентип, Ош шаарында Борбордук базарга уланып, жалаң гана Ак-Буура дарыясынын үстүнө курулган мыйзамсыз көпүрөлөр чекесинен алына баштады. Бирок, бул жараянга жергиликтүү соодагерлер каршылыгын дагы билдирип чыгышты.

• Бул жердин баарын тең катарынан бузуп салышыптыр. Азыр 

бул жерде талкаланган контейнердин айынан бир аял өз өмүрүнө кыйып ала жаздады. Макул, бизге келип үч-төрт күн мурун эскертүү беришсе, биз товарларыбызды бүт алып чыгып кетмекпиз. Бүгүн келип эле, эч кандай эскертүүсү жок, баарын катарынан бузуп жатышат. Бизге эми башка жерден орун таап беришсин! Макул, эптеп көчүп кетебиз. А азыр мобунча товарларыбыз менен кайда барабыз? – деп чырылдады соодагер Мирбек Жунусов.

Деген менен Ош шаардык муниципалдык менчик башкармалыгынын башчысы Алтынбек Пирматов азырынча болжолдуу гана он гана көпүрө бузула тургандыгын билдирди:

– Азырынча көпүрөлөр кыдырата бузулуп жатат. Ал эми контейнерлерди кийинчерээк алабыз. Шаардык Кеңеш тарабынан бизге тапшырма берилген. “Базардагы өз билемдик менен салынган көпүрөлөрдүн баардыгы алынсын!” деп. Ошонун негизинде бүгүн иш-чара башталды. Азыр көпүрөнүн үстүндөгү соода борборлору гана алынып жатат, мындайча айтканда, көпүрөнүн үстүндөгү контейнерлерга. Мыйзамдуу курулган гана көпүрөлөр калат дагы, мыйзамсыз деп табылгандар бузулат. Азыр болжолдуу түрдө онго чукул көпүрөлөрдү бузууну карап жатабыз. Бул дагы болжолдуу гана. Азыр архитектура иштеп жатат. Атайын комиссия дагы түзүлгөн. Ошол комиссиянын негизинде алына турган участкалар гана сөзсүз алынат. 

Кыргызстандын, айрыкча  Ош шаарынын чоңдорун тили менен буудай куурушат. А бирок, иш жүзүнө келгенде, алардын мээнеткечтигин жана дагы кесипкөйлүүгүн көрө элекпиз…

Алишер ТОКСОНБАЕВ өз кабарчы