603 Бардыгы /

Мээрим Жуманазарова – Париждеги XXXIII Жайкы Олимп оюндарында күмүш байгеге татыды. Маалыматты Маданият маалымат спорт жана жаштар саясаты министрлигинен билдиришти.

Франциянын Париж шаарында өтүп жаткан Олимп оюндарында кыргызстандык балбан Мээрим Жуманазарова 2-орунду ээледи.

Ал 7-августка караган түнү финалдык таймашта кыз-келиндер арасындагы күрөшүнөн 68 кг чейинки салмакта америкалык Эмит Элор менен кез келип, жыйынтыгында 0:3 эсебинде жеңилүү ызаасын тартып калды.

Жуманазарова финалга чейин 5-августта үч беттеш өткөрүп, 1/8 финалда монголиялык Делгермаа Энхсайхан (8:3), 1/4 финалда япониялык Нонока Озакини (8:6), жарым финалда нигериялык Блессинг Оборудуду атту спортчуну 3:1 эсебинде утуп алган.