393 Бардыгы /

Ош шаарында баласын алдына олтургузуп, андан ары унаа башкарган айымга 19 миң сом айып салынды. Бул туурасында Ички иштер министрлигине караштуу Жол кыймылынын коопсуздугун камсыздоо башкы башкармалыгынан билдиришти.

Баса, социалдык тармактарда жаш баласын алдына отургузуп, ага улай жол эрежесин одоно түрдө бузуп айдап бара жаткан айым айдоочу боюнча видео тасма тараган. Маалымат алынгандан кийин эле дароо издөө иш-чаралары жүргүзүлүп, Ош шаардык милициясынын кайгуул кызматкерлери тарабынан эрежени одоно  бузган айдоочу айым акыры табылып, баласын астына салып айдагандыгы, айдоочулук күбөлүгүн жанына албагандыгы жана коопсуздук курун таптакыр тагынбагандыгы үчүн жалпысынан 19 миң сом айып салынып, унаасы айып короо жайына токтотулду.

ЖКККББ укук бузууларга күбө болгондорду (0777) 102-102 ишеним номуруна жөнөтүүнү дагыле суранат.

Алишер ТОКСОНБАЕВ, өз кабарчы