6 Бардыгы /

“Мурас юнайтед” футбол боюнча Кыргыз Республикасынын кубогун экинчи ирет жеңди

Бүгүн, 15-сентябрда Жалал-Абад шаарындагы “Курманбек” стадионунда Кыргыз Республикасынын 1XBET Кубогунун финалдык беттеши болуп өттү. Кубок үчүн чечүүчү беттеште “Абдыш-Ата” (Кант ш.) жана “Мурас Юнайтед” (Жалал-Абад ш.) клубдары ойношту.

Беттеште “Мурас Юнайтед” курама командасы алдыга чыгып, оюнду 3:2 эсеби менен жеңип, Кыргыз Республикасынын Кубогунун эки жолку жеңүүчүсү болду.

Мелдешке Кыргыз Республикасынын Президентинин Жалал-Абад облусундагы ыйгарым укуктуу өкүлү, облустук футбол ассоциациясынын президенти Тилек Текебаев катышып, жеңүүчү командага кубок жана медалдарды тапшырды.