60 Бардыгы /

Ноокен райондук мамлекеттик администрациясынын чоң жыйындар залында Кыргыз Республикасынын Президентинин 2021-жылдын 30-сентябрындагы №412 сандуу жарлыгы менен бекитилген «2021-2026-жылдарга Кыргыз Республикасынын диний чөйрөдөгү мамлекеттик саясатынын концепциясын», «2023-2027-жылдарга Кыргыз Республикасынын Министрлер кабинетинин экстремизмге жана терроризмге каршы аракеттенүү боюнча программасын» ишке ашыруу жана Кыргыз Республикасынын Президенти Садыр Жапаровдун “Кыргыз Республикасында үй-бүлөлүк салтанаттарды жана маркумду эскерүү үрп-адаттарын тартипке келтирүү боюнча чаралары жөнүндө” Жарлыгын аткаруу максатында, Ноокен райондук мамлекеттик администрациясынын башчысынын биринчи орун басары Жайнак Немат уулу, Жалал-Абад облусунун мусулмандар казысы, устаз Нематулла ажы Жээнбеков, Ноокен районунун баш имам-хатиби Тынчтыкбек ажы Шаиков, Ноокен райондук этностор аралык мамилелер боюнча коомдук кабылдаманын жоопту катчысы Каныбек Камбаралиев, укук коргоо органдарынын кызматкерлери, шаар, айыл өкмөт башчылары жана райондун имамдарынын катышуусунда жыйын өткөрүлдү. Бул тууралуу Ноокен райондук мамлекеттик администрациясынан билдирди.

Жыйындын жүрүшүндө негизги көйгөйлөр айтылып, нике окууда жана маркумду акыркы запарга узатуу зыянатында ысырапкерчилике жол берилип жаткандыгына имамдардын жоопкерчилиги каралып жаткандыгы айтылып, суроо-жооптор менен коштолду.

Ал эми укук коргоо органдары жыйындын катышуучуларын диний материалдарды социалдык тармактардан бөлүшүп, таратууда кылдат мамиле кылууга чакырды. Анткени тыюу салынган экстремисттик, террористтик уюмдардын идеологиясы жайылтуу деген жүйөө менен жоопкерчиликке тартылып калуусун эскертти.