6 Бардыгы /

Кыргыз Республикасынын Министерлер кабинетинин төрагасынын орун басары, УКМК жетекчиси Камчыбек Ташиевдин атына жамынган эки адам, алдап-соолоо жолу менен жеке ишкерден ири суммадагы акча алышкан. Бул туурасында Улуттук коопсуздук боюнча мамлекеттик комитеттин басма сөз борборунан билдиришти. 

Маалыматка караганда, алдамчылыкка шектелип Ош облусунун тургундары А.М. жана Н.у.С. кармалышты. УКМК бул адамдар акчаны ээлеп алуу менен гана чектелишпестен, жасалма документ аркылуу Ош шаарындагы батирди дагы мыйзамсыз саткан фактысын аныкталгандыгын баса белгиледи.

Кармалышкандар ушул тапта УКМКнын убактылуу кармоочу жайына киргизилип, мыйзамсыз аракеттердин башка фактыларын аныктоо боюнча тергөө амалдары абдан кызуу улантылууда. УКМК кармалгандардын аракеттеринен жабыркагандарды жергиликтүү мамлекеттик коопсуздук органдарына түз эле кайрылууну өтүнөт.