33 Бардыгы /

        Ички иштер министрлгинин Маңзаттарды мыйзамсыз жүгүртүүгө каршы күрөшүү кызматы  Жалал-Абад шаарынын жана Сузак районунун аймагында мыйзамсыз маңзат сатуу жана дагы сактоо ишине бөгөт койгондугун  ачыктады.

        Маалыматка караганда, жергиликтүү милициягы “А” аттуу жаран ири өлчөмдөгү маңзатын сактап жана сатып жүргөндүгү туурасында маалымат түшкөн. Аталган факты боюнча дароо эле кылмыш иши козголгон. Тыкыр тергөөнүн жүрүшүндө Жалал-Абад шаарынын аймагында ири өлчөмдө маңзатын жасоо жана соодалоо менен шугурланган “А” аттуу жарандын өздүгү жана анын кылмыш тобунун ар бир мүчөсү тегиз аныкталган. Анын өздүгү дагы биротоло такталып, Жалал-Абад шаарынын тургуну, бирок, чет өлкөнүн жараны 1995-жылы туулган Ю.Ф.М. экендиги ашкереленди. Ошондой эле ал өзү жашаган даректе аптекалык дары-дармектердин аралашмасы менен маңзаттын психоактивдүү түрлөрүн жасоо үчүн атайын лаборатория жана кылмыштуу топ уюштургандыгы тууралуу маалымат алынды.

        Ошентип, атайын кызматтык иттин жардамы аркасында Ф.Ю. аттуу жарандын үйүндө кечиктирилгис тинтүү жүргүзүлүп, өз ыктыяры менен 3 литрдик банкага салынган кескин жыты бар маңзатын тапшырып берди. Тинтүү жүргүзүү маалында Ю.Ф. үйүнүн сарайынан 5 даана пакетке салынган 3-4 кило марихуана маңзаты жана 100 миллиграмдык 33 даана медициналык этил спиртинин бош бөтөлкөлөрү, ар кандай майда көлөмдөгү белгисиз суюктуктар, 1 литр көлөмдөгү желим бөтөлкөлөргө куюлган спирт жыттанган суюктуктар, сода, электр плита, ичинде маңзат калдыктары менен ар кандай көлөмдөгү темир идиштер, сито, маңзат калдыктары менен 3 кайчы, 3 бычак, маңзат колдонуу үчүн даярдалган атайын идиштер жана ошондой эле маңзат жасоо үчүн колдонулган ар кандай майда буюмдар дагы кошо алынды.

        Ошентип, ыкчам иликтөө иштеринин натыйжасында Жалал-Абад шаарынын аймагында акыл эске терс таасир этүүчү маңзат жасоо, ташуу жана дагы сатуу менен алектенген Ю.Ф. уюштурган мыйзамсыз лабораториянын жана кылмыштуу топтун аракетине биротоло бөгөт коюлду. Ушул тапта Ф.Ю.нун үйүнөн алынган маңзаттар жана буюм-тейимдер боюнча соттук-химиялык экспертизалар дайындалып, анан дагы тергөө амалдары абдан кызуу жүргүзүлүүдө.

        Алишер ТОКСОНБАЕВ, өз кабарчы