6 Бардыгы /

«Катыш! Танда! Шайла!” маалымат өнөктүгүнүн алкагында Кыргыз Республикасынын Шайлоо жана референдум өткөрүү боюнча борбордук комиссиясы жана жаштардын «Жаштар Кыймылы» Ош мамлекеттик университетинин, академик Муса Адышев атындагы Ош техникалык университетинин жана Батырали Сыдкоы атындагы Кыргыз-Өзбек университетинин студенттери менен жолугушууларды өткөрдү. 

Аталган өнөктүк жаш шайлоочулардын шайлоого катышуусунун маанилүүлүгү жөнүндө маалымдуулугун жогорулатууга, ошондой эле алардын добуш берүү активдүүлүгүнө дем берүүгө гана багытталган. Бул маанилүү иш-чарага Борбордук шайлоо комиссиясынын төрагасы Н.Шайлдабекова, ОшТУнун ректору Ж.Турсунбаев, КУМУнун проректору С.Сарыков, «Интербилим» Эл аралык уюмунун Оштогу филиалынын аймактык менеджери Г.Мамасалиева, Кыргызстан жаштар кыймылынын лидери Ж.Бекназаров жана журналист-блогер А.Осмонов катышышты. Кездешүүнүн жүрүшүндө туруктуу катталган жеринен алыс жашаган шайлоочуларга, мунун ичинде шаардагы жогорку окуу жайлардын көптөгөн студенттерине ыңгайлуу болушу үчүн киргизилген аралыктан добуш берүү мүмкүнчүлүгү дагы кеңири түшүндүрүлдү. Ошондой эле жаш курагы 21 жаштан ашкан жергиликтүү Кеңештердин депутаттыгына талапкерлерге коюлуучу негизги талаптар дагы кең-кесири талкууланды. 

«Жаштар үчүн 35 жашка чейинки курактык чекти белгилеген «Жаштар жөнүндө» Кыргыз Республикасынын  мыйзамына ылайык, жаш шайлоочулар азыр шайлоочулардын 40 пайызга жакынын, же болболсо 1,7 миллиондон ашык адамды түзөт. Иш-чаранын программасында балбан Акжол Махмудов жана Кыргызстандын көк-бөрү курама командасынын мүчөсү Сейитбек Анарбек уулу өңдөнгөн белгилүү спортчулар тууралуу шыктандыруучу роликтер дагы көрсөтүлүп, ал студенттердин зор кызыгуусун жаратты. «Катыш! Танда! Шайла!” маалымат жаряны республикабыз боюнча жаштар арасында түшүндүрүү иштерин жүргүзүүгө өзгөчө көңүл бурууга арналган. Анткени  дал уул жаш шайлоочулар жаңы идеяларды жана демилгелерди көтөрүп чыгууга, өлкөдө өнүгүүгө жана демократиялык өзгөрүүлөргө көмөктөшүүгө жөндөмдүү.

Борбордук шайлоо комиссиясы жарандар мүмкүн болушунча көбүрөөк аралыктан добуш берүү укугунан пайдаланышы үчүн арыз берүүнүн мөөнөтүн ушул жылдын 6-ноябрына дейре узартты. Эскертсек, башкалаабызда жана өлкөбүздүн бардык облустарынын борборлорунда калкты тейлөөчү 7 борбордо, 10 ЖОЖдо жана бардык шайлоо тилкелеринде атайын уюштурулган жерлерде аралыктан добуш берүүгө арыздарды кабыл алуу кызуу улантылууда.

Алишер ТОКСОНБАЕВ өз кабарчы