12 Бардыгы /

Ош жылуулук электр борбору кышка дээрлик дапдаяр! Электр жана химиялык жабдыктар бүтүндөй оңдолуп түзөлдү. Бул туурасында Ош жылуулук электр борборунун башкы инженери Абдуашим Туркменов кабарлады.

– Ош шаарынын Курманжан датка көчөсүндөгү «Алай» мейманканасынан тартып Ош облустук басмаканасына чейинки магистралдык жылуулук түтүктөр жаңыланды, – деди Ош жылуулук электр борборунун башкы инженери Абдуашим Туркменов.

– Жылуулук буу казандарыбыз газ жана мазут менен гана иштетилет. 4,5 миллион куб газ боюнча «РазПромКыргызстан» ишканасы менен келишим түзүлгөн. Ал эми атайын макулдашууга ылайык Жалал-Абаддагы «КыргызНефтеГаз» акционердик коому биздин ишканабызды 20 миң тонна мазут менен камсыз этет.

Баса, Кыргызстандын Түштүк башкалаасында Ош жылуулук электр борборунун кызматынан 21 005 обьект пайдаланат. Булардын 20 499у – калк, 32си – билим берүү мекемеси, 14- – саламаттыкты сактоо мекемеси, 7си – жогорку окуу жайы, 4ү – өнөр жайы жана 352си – көп кабаттуу үйлөр.

Алишер ТОКСОНБАЕВ өз кабарчы