66 Бардыгы /

Кыргыз Республикасынын УКМКсынын төрагасы Камчыбек Ташиевдин ушул жылдын 20-июлундагы протоколдук буйругун аткаруунун алкагында Кыргыз Республикасынын Өкмөтүнүн 1995-жылдын 7-июлундагы № 271 «Кыргыз Республикасындагы сууну коргоочу зоналар жана суу обьект тилкелери жөнүндөгү Жобону бекитүү жөнүндө» токтомуна ылайык Араван районундагы Араван-Сай дарыясынын жээгинде, суу артериясынын эки тарабында тең жалпы жонунан узундугу 1150 метрге жакын мыйзамсыз соода курулуштарын демонтаждоо иштери толук кандуу аяктады.

Ушул тапта аталган райондун борборунун борбордук трассасындагы тыгындарды жоюу жана соодагерлерге ыңгайлуу заманбап шарттарды түзүү максатында дарыянын жээгине сейил бактын аймагын түзүү боюнча жергиликтүү бийлик курулуш иштерин абдан кызуу баштады.

Баса, Араван районундагы Араван-Сай дарыясынын жээгиндеги мыйзамсыз соода курулуштары туурасында биздин редакция дагы бир нече ирет сын материал жарыялаган. Дагы жакшы: акыры буга Кыргыз Республикасынын Министрлер кабинети кулак салып, калктын көйгөйүн укканга эми жараптыр.

Алишер ТОКСОНБАЕВ өз кабарчы