54 Бардыгы /

Талас районунда 76 миллион сомго бааланган нефти базасы 3,0 га жер тилкеси менен мамлекеттик менчикке кайтарылды.

КРдин Башкы прокуратурасынын маалымат кызматы билдиргендей, Талас райондук прокуратурасы тарабынан жүргүзүлгөн тергөөгө чейинки текшерүүдө, Талас районунун Беш-Таш айыл аймагындагы Присельный участогунда жайгашкан нефти базасы жана ага тиешелүү 3,0 гектар өнөр жай багытындагы жер тилкеси мыйзамсыз жеке жактарга берилип кеткендиги аныкталган.

Бул объект мурда “Кыргызгазмунайзат” мамлекеттик акционердик компаниясы тарабынан колдонулуп келген. 2005-жылдын 18-апрелинде аталган компаниянын буйругунун негизинде нефти базасы жеке жактардын менчигине мыйзамсыз өткөрүлүп, 19 жыл бою жеке жактар тарабынан пайдаланылган. Ошондой эле, мыйзамсыз берилген буйруктун негизинде укук белгилөөчү документтерди алуу аракеттери жасалган.

Талас райондук прокуратурасы жүргүзгөн текшерүүнүн жыйынтыгында, Беш-Таш айыл өкмөтүнүн башчысына прокурордук акт келтирилип, анын негизинде базар баасы 76 миллион сомду түзгөн нефти базасы жана 3,0 га жер тилкеси муниципалдык менчикке кайтарылды.