36 Бардыгы /

        Кыргыз Республикасынын Ички иштер министрлигинин Ош облусу боюнча Жол кыймылынын коопсуздугун камсыздоо башкармалыгындагы мыйзамсыз иш-аракеттерди аныктоого жана бөгөт коюуга багытталган ыкчам издөө иш-чараларынын жүрүшүндө айрым тескөөчүлөр ырааттуу түрдө жол кыймылынын эрежелерин бузган айдоочулардан акча каражатын опузалап талап кылуу менен алектенишкендиги толук бойдон аныкталды.

Материалдык пайдага туйтунуу максатында Ички иштер министрлигинин Ош облусу боюнча Жол кыймылынын коопсуздугун камсыздоо башкармалыгынын айрым тескөөчүлөрү жол эрежесин бузгандардан мобилдик капчыктарын толтурууну катуу талап кылышып, анын акысына административдик бузуулар боюнча тиешелүү протоколдорду таптакыр түзүшкөн эмес. Мунун кесепетинен Кыргыз Республикасынын Ички иштер министрлигинин Ош облусу боюнча  Ички иликтөө кызматы менен биргеликте жүргүзүлгөн ыкчам-иликтөө иш-чараларынын жүрүшүндөОш облусу боюнча  Жол кыймылынын коопсуздугун камсыздоо башкармалыгынын тескөөчүсү. милициянын старшинасы Ж.У.А. иш үстүндө кармалды.

Ушул тапта козголгон кылмыш ишинин алкагында аталган жоруктарга тиешеси бар башка  кызмат адамдарын дагы аныктоо боюнча тиешелүү ыкчам иш-чаралар жүргүзүлүүдө.

Алишер ТОКСОНБАЕВ, өз кабарчы