6 Бардыгы /

Аксы райондук прокуратурасы тарабынан райондук ички иштер органдарынын кызматкерлерине “Электрондук иш” системасын ишке киргизүү боюнча окуу өтүп, анда жаңы санариптик инструменттер менен иштөө, ошондой эле онлайн чөйрөдө өз ара аракеттенүү этикасы боюнча түшүндүрүү иштери жүргүзүлдү.

Аксы районунун мамлекеттик администрациясы маалымдагандай, “Электрондук кылмыш иши” системасын киргизүү, ал өлкөнүн бардык укук коргоо органдары, ошондой эле прокуратура органдары жана соттор үчүн бирдиктүү электрондук база болуп саналат, аларга укук коргоо органдарынын, анын ичинде тергөө жана көзөмөлдөө бөлүмдөрүнүн, ошондой эле прокуратуранын мамлекеттик айыптоо институтунун ишинин бардык аспектилерин камтыган жана арызды каттоодон тартып кылмыш иши боюнча өкүм чыгаруу учуруна чейинки өндүрүштүн бардык баскычтары жөнүндө маалыматтарды топтогон тиешелүү жеткиликтүүлүк берилет, система тергөө жана көзөмөлдөө иш-аракеттеринин ар бири боюнча процессуалдык документтерди, анын ичинде тергөөнүн жүрүшүндө дайындалган экспертизалар жөнүндө маалыматтарды өзүнө камтыйт.

Санариптештирүү чөйрөсүндөгү мамлекеттик саясатты ишке ашыруу максатында өлкө Президентинин 2023-жылдын 12-майындагы №122 “2024-2028-жылдарга Кыргыз Республикасынын санариптик трансформациялоо концепциясын бекитүү жөнүндө” жарлыгы чыгып, анын негизинде Кыргыз Республикасынын Башкы прокурору “Электрондук иш” пилоттук долбоорун ишке киргизүү жөнундө буйрук чыгарган.

Окуунун жүрүшүндө кызматкерлер иш жүзүндө пайда болгон бардык суроолорго жооп алышты. Эгерде бул талаптар талаптагыдай аткарылбаганы аныкталса, райондук прокуратура тарабынан токтоосуз түрдө тиешелүү прокурордук чара көрүү актылары келтириле тургандыгын белгилейбиз.

Кыргызстанда укук коргоо системасын санариптештирүүнүн максаты болуп ички иштер, прокуратура органдарынын, соттордун жана укук тартибин жана коопсуздукту камсыз кылууга байланышкан башка түзүмдөрдүн ишинин натыйжалуу, ачык жана айкын механизмдерин түзүү саналат.