Аймак

ОШ ЖЕРГЕСИНДЕ 2396 ҮЙ-БҮЛӨ ДАГЫЛЕ КООПТУУ АЙМАКТАРДА ЖАНСАКТАШАТ

ОШ ЖЕРГЕСИНДЕ 2396 ҮЙ-БҮЛӨ ДАГЫЛЕ КООПТУУ АЙМАКТАРДА ЖАНСАКТАШАТ

 3 Бардыгы /

Ош облусунун райондорунда 2396 үй-бүлө абдан кооптуу аймактарда дагыле жансактап келатышат. Бул туурасында Өзгөчө кырдаалдар министрлигинен билдиришти.

Булардын арасынан 1460 үй-бүлө мамлекеттен турак жай салуу үчүн ссуда жана дагы жер тилкесин бүт алышкан. Тилекке каршы, какшатып дагыле көчпөй жатышат, – деп чырылдады Өзгөчө кырдаалдар министрлигинин Ош облустук башкармалыгынын башчысынын орун басары Токтогул ЧЕКИРОВ. – Кооптуу аймактарда жашап, бирок, ссуда жана жер тилкесин алышкан 816 үй-бүлөнү айлабыз таптакыр куруганда сотко дагы бергенбиз. Мунун  арасынан 611ине соттун чечими чыгып, ушул тапта тиешелүү иштер жүргүзүлүп жаткан чагы. Калгандарына дагыле түшүндүрүү жараянын күчөттүк.

Акыркы маалыматка караганда, ушул тапта Алай районунда 355 үй-бүлө (1652 адам), Араван районунда 4 үй-бүлө (16 адам), Кара-Суу районунда 37 үй-бүлө (193 адам), Кара-Кулжа районунда 403 үй-бүлө (2010 адам), Өзгөн районунда 1597 үй-бүлө (1652 адам) Алай районунда 355 үй-бүлө (6105 адам) жаратылыш кырсыктары болуучу опуртал аймактарда дагыле жашап жатышат.

Алишер ТОКСОНБАЕВ, өз кабарчы

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17