24 Бардыгы /

Урматтуу мотоскутер айдоочулары!

Акыркы убактарда мотоскутерлердин катышуусундагы жол кырсыктары көбөйүп, алардын көбү оор кесепеттерге алып келүүдө. Оор жаракаттар менен коштолгон, кээде өмүр бою майып болуп калууга алып келген кырсыктар, анын ичинде жаш балдар менен өспүрүмдөрдүн каза болушу, жүрөгүбүздү оорутат.
Ошондуктан бардык мотоскутер айдоочуларын жол эрежелерин так сактоого чакырабыз! Жолдо журуу убагында ылдамдыкты көзөмөлдөп, аралыкты сактап, мотоскутериңиздин техникалык абалын текшерип туруңуз. Коргонуучу чараларды колдонуп, дайыма шлем кийип жүрүңүз, анткени бул сиздин өмүрүңүздү сактап калууга жардам берет.
Сиздин жана башка жолдогу адамдардын коопсуздугу сиздин колуңузда! Эгерде сиз эреже бузсаңыз, анын кесепети бүтүндөй коомго тийгизиши мүмкүн. Бир гана сак болуу менен, биз жолдо кырсыктарды азайта алабыз.
Өмүрдү сактап калуу үчүн жоопкерчиликти сезип, коопсуз жүрүүдө болушуңузду өтүнөм. Эч качан унутпаңыз, сиздин аман-эсендигиңиз жана сиздин айдаган мотоскутердеги адамдардын коопсуздугу — бул эң негизги баалуулук.
Жолдо жоопкерчиликтүү болуңуз, өзүңүздү жана башка адамдарды коргоңуз!
Эгерде бул тартип сакталбаса,скутериниз айып короого токтотулат,чыгаруу ото оор жана татаал.

ЖКККББнын басма сөз кызматы