Аймак

ЖККУнун ПАРЛАМЕНТТИК АССАМБЛЕЯСЫНДА ОШМУ СУНУШТАГАН МОДЕЛДИК МЫЙЗАМ БОЮНЧА МААЛЫМАТ УГУЛДУ

ЖККУнун ПАРЛАМЕНТТИК АССАМБЛЕЯСЫНДА ОШМУ СУНУШТАГАН МОДЕЛДИК МЫЙЗАМ БОЮНЧА МААЛЫМАТ УГУЛДУ

 3 Бардыгы /

Орусиянын Санкт-Петербург шаарында Жамааттык коопсуздук келишим уюмунун (ЖККУ) жамааттык коопсуздук системасын укуктук жактан камсыздоого арналган эл аралык илимий-практикалык конференциясы өткөрүлдү. Анын жүрүшүндө ЖККУ өлкөлөрүнүн эксперттери жана парламентчилери 2030-жылга чейин аймактагы жамааттык коопсуздукту чыңдоо боюнча мыйзамдык базаны өнүктүрүүнүн негизги багыттарын кенен-чонон талкуулашты.

Айтмакчы, аталган эл аралык илимий-практикалык конференцияда анын катышуучулары жамааттык коопсуздукту укуктук жактан колдоо жаатындагы акыркы тенденциялар боюнча кең-кесири маалымат алышты. Ошондой эле бул иш-чарага ОшМУнун эксперттик жумушчу тобунун жетекчиси Байболот Абытов катышты. Ал окуу жай тарабынан сунушталып жаткан «Деструктивдүү идеологиялардын жаштарга тийгизген таасирин нейтралдаштыруу жөнүндөгү» моделдик мыйзам боюнча дагы баяндама жасады. Документ уюмдун Парламенттик ассамблеясынын 2026-30-жылдардагы Програмасына киргизилген.

Орусиянын Санкт-Петербург шаарындагы Жамааттык коопсуздук келишим уюмунун (ЖККУ) жамааттык коопсуздук системасын укуктук жактан камсыздоого арналган бул Эл аралык илимий-практикалык конференцияда анын катышуучулары коопсуздукка карата заманбап чакырыктарды жана коркунучтарды, ошондой эле уюмдун алкагында аларды жеңүү стратегияларын дагы кошо  талкуулашты. Эске салчуу жагдай: 2024-жылдын 10-сентябрында ОшМУ менен ЖККУнун Парламенттик ассамблеясынын ортосунда кызматташуу келишимине кол коюлган.

Алишер ТОКСОНБАЕВ, өз кабарчы

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17