3 Бардыгы /

Жалал-Абад шаары боюнча өзгөчө кырдаалдар бөлүмүнүн өрт өчүрүү жана алдын алуу бөлүмчөсү билдирет,.

Урматтуу Жалал-Абад шаарынын тургундары жана меймандары жогоруда көрсөтүлгөндөй ар кандай өрт кырсыктардын саны күн санап өсүүдө, өзүбүздүн үй бүлөө мүчөлөрүбүздүн жана жакындарыбыздын ден-соолугугуна өмурүнө зыян келтирүүдөн жана өмүр бою жыйнап келген үй жай, мал мүлкүбүздү бир заматта күлгө айландырган өрт кырсыгына алсыс бололу.

Жайкы өрт коопсуздугун алдын алуу үчүн төмөндөгү эрежелерди сактаныздар:

– таштандыларды өрттө жок кылууда  дайым көзөмөлдөп туруу

– турак үйлөрдөн жана башка курулуштардан алысыраак  өрттөө

– эс алууга чыкканда отту суу менен толук өчүрүү

– тамекинин калдыктарын атайын урналарга салуу

– Жалал-Абад курортунун аймагына эсалууга чыкканда ачык от колдонбоо

– ачык аймакта тамекинин калдыктарын ыргытпоо.

Квартираларда, турак жай бөлмөлөрүндө жана мейманканаларда төмөнкүлөргө тыюу салынат:

1) Балкондордо жана лоджияларда, тепкичтер жайгашкан аянтчаларда, цоколдук аянттарда, подвалдарда, үйдүн чатырларында тез тутанган жана күйө турган суюктуктарды, газ баллондорун сактоого;

2) төшөнчүдө тамеки чегүүгө;

3) тамекинин түбүн балкондон же лоджиядан ыргытууга;

4) даярдалып жаткан тамакты плитага кароосуз калтырууга;

5) имаратта адамдар жүргөн учурда түнкүсүн тепкичтер жайгашкан жердеги жарыкты өчүрүүгө жана алардын эшигине кулпу салууга жана кыйынчылык менен ачыла турган илгичтерди салууга;

6) конок бөлмө менен ашкана бөлмөсү кошулган учурда газ түзүлүштөрүн (мештер, казандар, суу жылыткычтары) орнотууга.

Төмөнкү өрт коопсудук эрежелерди аткарууну милдеттендиребиз.

1. Жаш балдарды үйдө кароосуз калтырбаныз, өз алдынча от жагууга, үй тиричилигинде колдонуучу электрдик плитка жана башка аленттерин колдонууга жол бербениз.
2. Ширенке, (зажигалка) ж.б от чыгуучу буюмдары менен ойноого болбостугун жана ойюнчук эмес экендигин түшүдүрүңүз.
3. Таштандыларды иммараттардан, турак үйлөрдөн 50 м аралыкта өрттөп, дайыма          көзөмөлдөнүз.
4. Күйүүчү материалдарды, тоютка жыйылган чөптөрдү (отун, чөп, таштанды) имараттан, очок, тандырдан алыс сактаныз.
5. Ачык электр зымдарын тез арада оң абалга келтирүү;
6. Ачык электр зымдарын күйүүчү материалдардын үстүнөн өткөрүп тартпоо керек;
7. Үйдүн чатырына күйүүчү материалдарды сактабоо;
8. Жаш балдардын от менен ойноосуна жол бербөө;
9. Ар бир ата- эне күн сайын жаш балдарыбызга  ширенке жана башка күйүүчү зат менен ойноосу оюнчук эмес экендигин эскертип түшүндүрүп туруусу зарыл;
10. Тартылган тамекинин калдыгын атайын урнага таштоо;

Айбек ИМАНОВ,  Жалал-Абад шаары боюнча ӨКБнүн ӨӨжААБнүн башчысы, майор