18 Бардыгы /

Бүгүн, 28-майда Кыргыз Республикасынын Президентинин Жалал-Абад облусундагы ыйгарым укуктуу өкүлүнүн биринчи орун басары Нурлан Эрматов Жалал-Абад шаарындагы таштандыларды кайра иштетүүчү заводуна барып, пластикалык таштандылардан түтүктөрдү кайра иштеп чыгуучу кошумча цех куруу даярдыгы менен таанышты.

Аталган инвестициянын көлөмү 45 млн сомду түзүп, ушул жылдын март айында Жалал-Абад шаардык мэриясы жана “Умар Сервис Компани” жоопкерчилиги чектелген коомунун ортосунда мамлекеттик-жеке өнөктөштүк программасынын негизинде келишим түзүлгөн.

Азыркы учурда жергиликтүү бийлик тарабынан керектелүүчү кошумча жер тилкеси бөлүнүп, уруксат берүүчү иш кагаздары даярдалган.

Облус башчысынын биринчи орун басары Нурлан Эрматов, заводдо пластикалык таштандыларды кайра иштетүүчү кошумча цех – экологиялык, экономикалык жана социалдык жактан маанилүү долбоорлордун бири экенин айтып, курулуш иштерин баштоону тапшырды.