33 Бардыгы /

29-август күнү Мамлекет башчысы Садыр Жапаровдун демилгеси менен Кыргыз Республикасынын эгемендүүлүгүнүн 34 жылдыгына карата өлкө боюнча 100дөн ашуун социалдык объекттин ачылышына онлайн түрдө старт берилди. Булардын катарында Кербен шаарына караштуу “Бозбу” көмөк чордонунун ачылыш аземи болуп өттү.

Кербен шаардык мэриясы маалымдагандай, аталган маанилүү иш-чаранын алкагында Кербен шаарына караштуу “Бозбу” көмөк чордонунун ачылыш аземи өттү. Бул объект – айыл тургундарына социалдык колдоо көрсөтүү, жергиликтүү тургундар үчүн маанилүү борборлордун бири болуп калат. Бул жалпы элдин турмушун жакшыртуу, аймактарды өнүктүрүү, социалдык кызматтардын жеткиликтүүлүгүн арттыруу максатын көздөгөн реалдуу кадамдардын бири.

Ачылыш аземине Кербен шаарынын мэри Жаныш Раимжанов, жетекчилер, айыл тургундары жана активдүү жаштар катышып, эгемендүүлүк майрамын жаңы объекттин ачылышы менен тоскондугу кубанычтуу көрүнүш болду.

Социалдык теңдик – мамлекеттин жүзү. “Бозбу” көмөк чордону бул багыттагы ишенимдүү кадам!