9 Бардыгы /

Манас шаарындагы Б. Осмонов атындагы №5 орто мектепте мектеп окуучуларынын республикалык олимпиадасынын экинчи (аймактык/шаардык) туру башталды.

Манас шаардык мэриясынын маалымат борбору билдиргендей, бул билим таймашына шаардагы бардык мектептерден жалпы 593 окуучу катышып, өз билим деңгээлин сынашууда.

Олимпиаданын ачылыш аземине Манас шаарынын мэринин орун басары Гүлбарчын Таштанбекова катышып, окуучуларга ийгилик каалады. Ал өз сөзүндө билимдүү жаштар – өлкөнүн келечеги экенин белгилеп, окуучуларды талыкпай изденүүгө жана мыкты жыйынтыктарды көрсөтүүгө чакырды.

Экинчи турдун жыйынтыгында жеңүүчүлөр облустук жана республикалык деңгээлдеги кийинки баскычка жолдомо алышат.

МАНАС ШААРЫНДА ЖАШТАР ЖОГОРКУ КЕҢЕШТИН ИШИН МОДЕЛДЕШТИРИШТИ

Иш-чарага Манас шаардык кеңешинин төрагасы Нуртилек Болотов, Манас шаарынын мэринин орун басары Гүлбарчын Таштанбекова, шаардык кеңештин депутаты Үсөн Нуркулов, Бириккен Улуттар Уюмунун Калк фондунун (ЮНФПА) Кыргыз Республикасындагы кеңсесинин жетекчиси Бактыбек Кайназаров, ИИМдин Баңгизаттарды мыйзамсыз жүгүртүүгө каршы күрөшүү кызматынын өкүлдөрү, шаардын жаштар кеңешинин төрагасы жана студенттер катышты.

Манас шаардык мэриясынын маалымат борбору билдиргендей, иш-чаранын негизги максаты — жаштарды Жогорку Кеңештин ишмердүүлүгү менен тааныштыруу, коомдук жана эл аралык маселелерди талкуулоо аркылуу диалог жүргүзүү көндүмдөрүн, ошондой эле сынчыл ой жүгүртүүнү өнүктүрүү болду.

Программа Жогорку Кеңештин моделдик отуруму менен уланып, анын жүрүшүндө катышуучулар мыйзам чыгаруу процесси менен практикалык деңгээлде таанышышты.

Иш-чара талкуу жана суроо-жооп форматында өтүп, жаштардын мыйзамдарды түшүнүүсүнө өбөлгө түзүп, лидерлик сапаттарын өнүктүрүүгө шарт жаратылды.