24 Бардыгы /

 Кыргызстандын Туштүк башкаласындагы айтылуу Ак-Буура дарыясын кеңири масштабда тазалоо иштери абдан кызуу улантылууда. Бул туурасында Өзгөчө кырдаалдар министрлигинин басма сөз кызматынан билдиришти.

Маалыматка караганда, Өзгөчө кырдаалдар министри Канатбек Чыныбаев өлкөбүздүн Түштүк борборуна жасаган жумушчу сапарынын алкагында иштин жүрүшү менен жеринде кенен-чонон таанышты. Министрлик тазалоо иштерине бардык зарыл ресурстарды жана атайын техникаларды дагы бөлүп берди. Натыйжада Ак-Буура дарыясынын 17 чакырым аралыгы таштандылардан толук бойдон тазаланып, өзөндүн жээктери тийиштүү тартипке дагы келтирилүүдө.

          Өзгөчө кырдаалдар министри Канатбек Чыныбаев министрликтин кызматкерлерине аталган ишти ыкчам, ошондой эле абдан сапаттуу жүргүзүүнү жана бул жараянга өз үйлөрүндөй мамиле жасап, чоң жоопкерчилик менен иштөөнү катуу тапшырды.

Алишер ТОКСОНБАЕВ, өз кабарчы