9 Бардыгы /

ИИМдин Жол кыймылынын коопсуздугун камсыздоо башкы башкармалыгы тарабынан өлкө аймагында «Кошумча жабдык» аталышындагы рейд жүрүп жатат. Рейддин алкагында автоунааларга кошумча жабдык орнотуп алгандар, лед фара коюп алгандар текшерилип, тиешелүү чаралар көрүлүүдө.
ЖКККББнын басма сөз кызматы билдиргендей, ЖКККББ кызматкерлери Ак-Жол көзөмөл өткөрүү пунктунун кызматкерлери менен биргеликте, Казакстан Республикасынан «JAC» үлгүсүндөгү автоунаага кошумча жабдык орнотуп, бензин ташып келе жаткан айдоочуну аныкташты. Автоунаа айып короо жайына токтотулуп, материал чара көрүү үчүн мамлекеттик салык кызматына өткөрүлүп берилди. Урматтуу айдоочулар түнкү убакытта жолдо бара жатып өзүңүздү гана эмес карама каршы тилкеде келе жаткан айдоочуларды дагы ойлоңуз. Себеби түнкү учурда көзгө катуу чагылышкан жарык айдоочунун көрүү мүмкүнчүлүгүн азайтат. Ошондуктан бири-бирибизди сыйлап, айдоочулук маданияттуулукту жогорулаталы.