2,976 Бардыгы /

2015-жылдын 10-февралы күнү Бишкек шаарынын четинде жайгашкан Ала-Тоо жаңы конушундагы чоң жолдун жээгинде суу толуп, жашоочулардын турак жайларына чейин каптап кеткен. Мындай көрүнүш жаз келээри менен аба ырайынын жогорулашынан улам болууда. Жергиликтүү жашоочуларга тоскоолдуктар жаралган маалда Өзгөчө кырдаалдар министрлигинин адистерин жардамга чакырышкан. Окуяны жеринен иликтөө учурунда мындагы суулардын толушу тургундардын өздөрүнүн көңүл бурбастыгынан улам келип чыкканы маалым болду. Андан сырткары кышы боюу эшик алдыларынан тазаланган карлар бир жерге үйүлүп, эшик алдыларында арыктардын жоктугунун кесепетиненен кардын суулары кайра турак жайларын каптап кеткен. Дагы бул жайда суу өтүүчү арыктар жана каналдар жок. Аталган конуштагы Ала-Тоо жана Белмазар көчөлөрүнүн кесилишиндеги мындай көрүнүштүн дагы бир себеби, акыркы жылдары бул аймакта жаңыдан жол курулуп жаткандыктан жол жээкетирен азырынча арыктар курула электигин жергиликтүү бийлик айтууша. Жол толугу менен бүткөрүлсө, атайын суу өтүүчү латоктору орнотулаарын жергиликтүү бийлик башчылары убада кылышууда. Бирок, ага чейин кардын сууларынан пайда болгон селден жергиликтүү калк кантип сактанып тураарын айтышкан жок. Негизи, республикабыздын аймагындагы турак жайларын сел каптаган көп учурлар жарандардын эшик алдыларындагы арыктарын тазалабагандыгынан, жергиликтүү бийлик калкка түшүндүрүү иштерин жүргүзбөгөндүгүнөн улам болоорун адистер айтып келишет.

Эскерте кетсек, кечээ 2015-жылдын 10-февралы күнү Өзгөчө кырдаалдар министринин орун басары Равшан Рысбаев министрликке караштуу түзүмдүк бөлүмдөр менен аймактык башкармалыктардын жетекчилерине чукул жыйын өткөрүп, февраль айы жылуу жана жаан-чачынга мол болуп, дарыялардагы суулардын деңгээли көтөрүлүп, сел жана суу ташкындарын пайда кылаарын эскерткен. Ошого байланыштуу кырсыктардын алдын алуу боюнча бардык чараларды көрүүнү тиешелүү жетекчилерге тапшырган.
КР ӨКМнин басма сөз кызматы.

—
Абдишарип Бекилов