Аймак

2015-ЖЫЛДАН ТАРТА ТҮРКМӨНСТАНДА КОММУНАЛДЫК ТӨЛӨМДӨР 60 ЖОЛУ КЫМБАТТАГАН

2015-ЖЫЛДАН ТАРТА ТҮРКМӨНСТАНДА КОММУНАЛДЫК ТӨЛӨМДӨР 60 ЖОЛУ КЫМБАТТАГАН

 1,148 Бардыгы /

Жаңы жалдан тарта Түркмөнстанда коммуналдык кызматтардын баасы эки эсеге жогорулады.

2018 – жылы турак жайдын ар бир чарчы метрин тейлөө — 7 манат 40 тенге ($2) турган, 1-январдан тарта түркмөнстандыктар 16 манат 90 тенге ($4,7) төлөй башташат.

“Азаттыктын” түркмөн кызматы кабарлагандай, акыркы эки күндөн бери коммуналдык тейлөө кызматкерлери бир жылдык төлөм үчүн дүмүрчөктөрдү таратып жүрүшөт.

Бул дүмүрчөктөр коммуналдык кызматкерлер тарабынан толтурулган. 2018 – жылы 54 чарчы метр аянттагы батирди тейлөөнүн акысы 400 манат турган. Быйыл баа 893 манатка жогорулады. Буга турак жайды тейлөө, жылуулук жана таштанды чыгаруу кызматтары кирет

2015 – жылы 54 чарчы метр аянттагы батирди тейлөө акысы 15 манат ($4) турса, 2016 – жылы 145 манат ($40), 2017-2018 – жылдары 400 манатка ($111) кымбаттаган.

Түркмөнстанда коммуналдык төлөмдөрдүн жогорулашы азык-түлүк каатчылыгы өкүм сүргөн маалга туш келди. Буга чейин түркмөн бийлиги газ, электр кубаты жана суу үчүн жеңилдиктерди жойгон.

Түркмөнстанда орточо айлык акы 800 манатты ($222) түзөт.

www

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17