1,318 Бардыгы /

Интернетке өзүн Карагандыдагы массалык мушташка катышкан деген шек менен издөөгө алынган Нарек Гурурян деп атаган адамдын видеокайрылуусу жарыяланды.

Анда ал каза болгон адамдын жакындарына көңүл айтып, мушташка катышпаганын айткан. Ошондой эле ал казак бийлигине өзү барып багынып берүүгө даяр экенин билдирип, бирок тергөөнүн ачыктыгын жана коопсуздукту камсыздап берүүнү суранган.

«Мен өзүмдүн кылган иштерим үчүн жоопкерчилик тартууга даярмын. Бирок бирөөнүн күнөөсүн албайм. Мен эч кимди өлтүргөн эмесмин», — деген ал.

Буга чейин казак маалымат каражаттары издөө жарыяланган 22 жаштагы Гуруряндын жана дагы үч адамдын сүрөттөрүн жарыялашкан.

Караганды акимчилигинин маалыматына караганда, 1-январга караган түнү ресторандардын биринде массалык мушташ чыгып, жыйынтыгында 23 жаштагы жергиликтүү тургун каза болгон. Мындан тышкары дагы үч киши бычактан жаракат алган.

Прокуратура «Адам өлтүрүү» жана «Бейбаштык» беренеси менен кылмыш иши козголгонун билдирген.

www