1,101 Бардыгы /

Орусиянын ракеталык чабуулдарды эскертип туруучу «Око» системасына кирген «Космос-2430» аттуу спутниги атмосферада күйүп кетти. Бул тууралуу ТАСС агенттиги Түндүк Американын абадан-космостон коргонуу командачылыгынын (NORAD) маалыматына таянуу менен жазды.

NORADдын маалыматына караганда, спутник орбитадан чыгып, жараксыз абалга келген. Анын күйүп кеткен бөлүктөрү Тынч океандын үстүнө түшүшү мүмкүн экендиги айтылды.

Жекшембиде «Radio New Zealand» радиосу өз сайтында Жаңы Зеландиянын түндүк облустарынынын үстүндө асманда бир нече мүнөт бою жанып турган объект байкалганын билдирген. Анын Орусиянын аскердик спутнигинин бөлүктөрү болушу мүмкүндүгү айтылып, объекттин сүрөттөрү социалдык түйүн колдонуучулары тарабынан интернетке жайгаштырылган.

 «Космос-2430» орбитага 2007-жылы октябрда Орусиянын Плесецк космодромунан учурулган. “Интерфакс” билдиргендей, ал 2012-жылга чейин пландалгандай иштеп келген.

Учурда Орусия ракеталык чабуулдарды эскертип туруучу жаңы системасын ишке киргизгени турат.

www.