916 Бардыгы /

28-январда Өзбекстандын Бекабад шаарындагы мектептин буу казандар жайгашкан бөлмөсүндө жарылуу болуп, 47 жаштагы бир адам каза тапты. Дагы эки киши жеңил жаракаттарды алышты.

«Биз буу казандар турган жерден 10 метр алыстыкта иштеп жатканбыз. Анан күтүүсүздөн эле жарылуу болду. Жанымдагы адам оор жараат алып, ооруканага бараткан жолдо каза болду. Анын артында беш баласы калды», — деди жабырлануучулардын бири.

Аталган мектептин мугалимдеринин бири окуя 28-январда күндүзгү саат 12лерде болгонун билдирди. «Буу казандар жайгашкан жай жакында эле оңдолгон. Биздин мектепти жана анын жанындагы бала бакчаны жылуулук менен камсыз кылып турчу. 28-январда газ берүү токтотулуп, газды кайра эскертпестен эле беришкен. Жыйынтыгында катуу жарылуу болду», — деди мугалим.

Бекабад шаардык прокуратурасынын кызматкери буу казандар жайгашкан бөлмөдөгү жарылууга жаратылыш газынын сызылып чыгуусу себеп болгонун билдирди. Ал жарылуу маалында бөлмөнүн ичинде эч ким болбогонун кошумчалады.

www.