1,731 Бардыгы /

        ОШ. ЮНЕСКОнун Баалуу Мурастар тизмесине кирген Сулайман Тоонун айланасына көп кабаттуу турак жайлар мыйзамсыз курулуп жатат. Бул туурасында  «Эл аралык «Интербилим» Коомдук бирикмесинин Оштогу филиалынын жетекчиси Гүлгаакы Мамасалиева билдирди.

            – Мурда бул жерде эки кабаттуу үй бар эле. Бирок, бул аймак ЮНЕСКОнун Баалуу Мурастар тизмесине кирген Сулайман Тоонун айланасына караган аймак болгондуктан, буерде төрт кабаттуу үй курганга дегеле мүмкүн эмес! Сураштырганыбызда, буфердик аймакка Ош шаардык архитектурасы «Эмаком» курулуш компаниясына үй курганга дегеле ураксат бербептир, – деп тызылдады Гүлгаакы Мамасалиева. – Ошентсе деле,алар эч кебелбестен курулушун дагыле улантып жатышат. Айлабыз таптакыр куругунда, Башкы Прокуратурага кайрылдык.

            Соңку сааттарда Кыргызстандын Башкы Прокуратурасынан маалымдашкандай, Ош шаардык прокуратурасы «Эмаком» курулуш компаниясынын жетекчилигинин үстүнөн Сулайман Тоого караштуу буфердик аймакка өз алдынча үй кургандыгы үчүн Кылмыш Кодексинин 353-беренесине ылайык кылмыш ишин козгоду. Ушул тапта тергөө башталды. Ал эми курулуп жаткан үйлөр надзордук органдын талабына ылайык катарынан буздурулуп жатат.

Алишер ТОКСОНБАЕВ, өз кабарчы