1,325 Бардыгы /

БИШКЕК. Тышкы иштер министрлигинин статс-катчысы А.Омокеевдин төрагалыгы астында Тышкы иштер министрлигинин алдындагы Экономикалык Дипломатия боюнча Кеңешүү тобу кезектеги үчүнүчү межилисин өткөрдү. Ага Кыргызстандагы бизнес бирикмелеринин өкүлдөрү активдүү катышышып, Кыргызстан менен Орусиянын соода жана экономикалык кызматташтыгын кенен-чонон талкуулашты.

            Адегенде тадкуунун катышуучулары соода-экономикалык, илимий-техникалык жана гуманиатрдык кызматташтык боюнча Өкмөттөр аралык комиссиянын кезектеги 21-отурумун өткөрүү жагын бетме-бет сүйлөшүштү. Ошондой эле Орусиянын Президенти Владимир Путиндин Кыргызстанга жасаган расмий сапарынын алкагында Кыргыз-Орус Аймактар аралык сегизинчи бизне конференциясын уюштуруу жагдайларын дагы макулдашышты.

            Акырында Кыргызстандын бизнес чөйрөсүнүн өкүлдөрү чет өлкөлөргө, анын ичинде Орусияга өндүрүш-техникалык жана керектөө товарларын. айрыкча азык-түлүктөрдү, айыл чарба продукцияларын такай экспорттоо, муну үчүн орус ишкерлери менен байланышты жакшыртуу жана туруктуу жолго коюу зарылчылыгына дагы катуу токтолушту.

Алишер ТОКСОНБАЕВ, өз кабарчы