13,459 Бардыгы /

Урматтуу Анаркан Ормоновна!

Эр жигиттер эзелтеден эле элди, жерди коргоп келген. Ата мекендин коопсуздугу аларга жүктөлгөн. Биздин аталардын жаштыгы Улуу Ата Мекендик согуш учуруна дал келсе, биздин муундун тагдырына Ооган согушу туш келди.

Башка союздук республикалар сыяктуу эле Кыргызстан да бул согушка өзүнүн 7141 уулун узаткан. Анын 252си курман болгон, 586ы майып, 1500дөн ашыгы жарадар болуп кайткан, төрт адам дайынсыз жоголгон.

Афган согушунун ардагерлери эки жыл катары менен болгон Баткен окуясындагы эрдиктери, алардын тайманбастыгы башкаларга үлгү болгон. Ош окуясында түзүлгөн кооптуу абалды турукташтырууга, эки элдин ынтымагын чыңдоого кошкон салымы чоң экендиги эч кимдин эсинен чыга элек. Ошондуктан эрдиктин, каармандыктын күбөсү болгон Ооган согушунун ардагерлери ар дайым урматтоого татыктуу.

Ооган согушунун ардагерлеринин Ош шаардык Кеңеши Сизге жана сиз жетектеген жамаатка 1979-1989-жылдары болгон Афганистан согушуна катышкан көп улуттан турган советтик жоокерлердин көөнөргүс эрдиктерин жана интернационалист жоокерлердин жаш муундарды мекенчилдикке тарбиялоодогу жана эл достугун чыңдоодогу жарандык активдүүлүгүн чагылдыруудагы баа жеткис эмгеңиздер үчүн «Аймак» гезитинин чыгармачыл жамаатына ыраазылык билдирет.

Ооган согушунун ардагерлеринин Ош шаардык Кеңешинин төрагасы К.Т.Эралиев