1,000 Бардыгы /

САУД АРАВИЯ. Кыргызстандын Тышкы иштер министри Чыңгыз Айдарбеков Сауд Аравияга жасаган сапарында Сауд Өнүгүү Фондунун Башкармалыгынын аткаруучу директорунун орун басары Халид бин Салим Аль-Худейри менен жолугушту.

Сөз арасында тараптар Кыргызстан менен Сауд Аравиянын мындан аркы кредит жана грант жаатындагы алакасын катуу кубатташып, аталган Фонд тарабынан бир катар инфратүзүм жаатындагы долбоорлор туурасында сүйлөшүштү.

Акырында Сауд Өнүгүү Фондунун Башкармалыгынын аткаруучу директорунун орун басары Халид бин Салим Аль-Худейри ушул тапта Фонд тарабынан саламаттыкты сактоо, билим берүү, айыл чарбасы, иригация жаатындагы 30 миллион долларлык долбоор дээрлик жактырылгандыгын, булардын бардыгы жакында жүзөгө ашырылаарын, болочокто мындай долбоорлорду каржылоо дагы көбөйтүлөөрүн кошумчалады.

Алишер ТОКСОНБАЕВ, өз кабарчы