1,110 Бардыгы /

         БАТКЕН. Кыргызстандын Тажикстандагы Элчиси Жаныш Рустенбеков Кыргыз Өкмөтүнүн Баткен облусундагы ыйгарым укуктуу өкүлүнүн орун басары Чынара Саттарова жана облустун күч түзүмдөрүнүн жетекчилери менен жолугушту.

Жолугушуунун  жүрүшүндө Кыргызстан менен Тажикстандын кызматташуусун чыңдоого багытталган маселелер кеңири талкууланды. Ошол эле учурда эки элдин ынтымагын, достугун бекемдөө жаатындагы иш чараларга өзгөчө маани берүү керектиги баса айтылды. Ошондой эле эки мамлекеттин ортосундагы чек араларды делимитациялоо жана демаркациялоо маселелеринин жүрүшүнө көмөктөшүү менен  айрым маселелерди жергиликтүү  деңгээлде, өз ара сүйлөшүү жолу менен жайгаруу, тактала элек чек ара аймактарындагы коомдук абалды туруктуу көзөмөлгө алуу, эки мамлекеттин чек арасын делимитациялоо боюнча Өкмөттөр аралык комиссияга сунуштар менен кайрылуу боюнча маселелер дагы бир жаңсыл макулдашылды.

Кыргызстандын Тажикстандагы Элчиси Жаныш Рустенбеков бул иш сапарынын жүрүшүндө Баткен жана Лейлек райондорунун чек аралаш аймактарында болуп, көйгөйлөр менен жеринде таанышты. 

Алишер ТОКСОНБАЕВ, өз кабарчы