1,063 Бардыгы /

КОРЕЯ. Кыргызстандын Кореядагы Элчиси Динара Кемелова Кореянын импортерлер Биримдигинин (КОИМА) төрагасы Менг Жин Шин менен кездешти.

Жолугушуунун жүрүшүндө Кыргызстан менен Кореянын ортосундагы соода-экономикалык жана инвестициялык байланыш маселеси катуу талкууланды. Кыргыз Элчиси Динара Кемелова Корея менен сооданын көлөмүн көйөтүү, бул өлкөнүн базарларына Кыргыз ишкерлеринин экологиялык таза продукцияларды жөнөтүү туурасында дагы макулдашты. Ошондой эле айыл чарба продукцияларын кайра иштетүүдө Кореянын технологияларын байма-бай урунуу жагы дагы айтылды.

Буга улай ЕврАзия Экономикалык Биримдигинин алкагында биргелешкен ишканаларды куруу демилгеси дагы абдан катуу көтөрүлдү.Кореянын импортерлер Биримдигинин (КОИМА) төрагасы Менг Жин Шин бул жөрөлгөнү кубаттап, Кыргызстандын дараметтүү ишкерлери менен тыгыз иштешүүгө даяр экендиктерин ачыктады. Муну үчүн Кыргызстанда Корей ишкерлеринин катышуусунда Бизнес-Форум өткөрүү жагы чечилди.

Соңунда үстүбүздөгү жылдын 27-29-июнунда Сеул шаарында Кореянын импортерлер Биримдиги (КОИМА) демилгелеген «Import Goods Fair»Эл аралык көргөзмөсүнө Кыргыз компанияларынын катышуусу дагы абдан кызуу талкууланды.

Алишер ТОКСОНБАЕВ, өз кабарчы