2,107 Бардыгы /

Чаткал районунун Айгыр-Жал айылынын Кормоцех, Чапаев жана Кара-Суу участкаларынын мектеп окуучулары унаа менен мектепке каттай баштады.

Аталган участкалардын окуучулары Ж. Ташкеев жана А. Айымбетов негизги мектептеринен 9-классты аяктаган соң, участкалардан алыс жайгашкан Смайыл уулу Матиш атындагы орто мектебине жөө каттап окуганга аргасыз болушчу.

Каныш-Кыя айыл аймагы менен жогорудагы участкалардын ортосунда түзүлгөн келишимдин негизинде 10-11-класстардын 25 окуучусу “Odissey” үлгүсүндөгү 2 даана жеңил автоунаа менен Исмаил уулу Матиш орто мектебине ташылып баштады.
Келишимде белгиленгендей, жалданган автоунаалардын чыгымдары жана айдоочулардын эмгек акылары Каныш-Кыя айыл аймагы тарабынан чечилип берилет.

Кошумчалай кетсек, былтыр күз айларында Чаткал айыл аймагынын Чандалаш айылынан Жаңы-Базар айылындагы Т. Жаналиев орто мектебине жөө каттап окуган окуучуларды автоунаа менен ташуу маселеси Чаткал айыл аймагы тарабынан чечилип берилген эле

“Аймак”